263
Սերժ Սարգսյանն իր հարցազրույցում Արցախի հարցում կրած պարտության համար մեղադրեց այս իշխանություններին, ասաց, որ ինչ տեղի ունեցավ 2018-ի գարնանը, իր էությամբ հակաղարաբաղյան շարժում էր։ Միաժամանակ, Սերժ Սարգսյանը խոսում էր այն մասին, որ իր պաշտոնավարման տարիներին ավելի հայանպաստ դրույթներ են բանակցել։ Ի՞նչ ուղերձներ ունի Սերժ Սարգսյանի հարցազրույցը, ինչո՞ւ նա որոշեց խոսել այս փուլում։
Սերժ Սարգսյան անդրադարձավ նաև Արցախի անկախության ճանաչման թեմային։ Նա նշում է, որ անհասկանալի է, թե ինչու իշխանությունները դա չարեցին պատերազմի օրերին, քանի որ նախկինում նշված պատճառը, թե դա կտապալի բանակցային գործընթացը, այլևս չկար։
Թեմայի շուրջ «Առաջին լրատվական»-ը զրուցել է քաղաքագետներ Աղասի մարգարյանի ու Արեգ Քոչինյանի հետ:
