Անվտանգային հարցերին նվիրված «Դիլեմա» փոդքասթի հերթական թողարկմանը այս հարցերը վերլուծում են «Օրբելի» վերլուծական կենտրոնի ավագ փորձագետ Ջոնի Մելիքյանը, կովկասագետ, Վրաստանի հարցերով փորձագետ Հասմիկ Մելիքսեթյանը և «Անվտանգային քաղաքականության հետազոտական կենտրոնի» ղեկավար Արեգ Քոչինյանը:
- Ի՞նչ զարգացումներ կան հայ-վրացական հարաբերություններում։
- Խոչընդոտո՞ւմ է արդյոք Վրաստանը ՀՀ զենք-զինամթերքի մատակարարմանը։
- Կա՞ արդյոք Վրաստանում էական ադրբեջանական ազդեցություն։
- Արդյո՞ք ակտուալ է հայ-վրացական սահմանի դելիմիտացիան այսօր։
Հասմիկ Մելիքսեթյան
«Վրաստան-Թուրքիա հարաբերություններում բացի տնտեսական ահռելի կոմպոնենտից առկա է նաև ռազմական գործոնը, որը հակական իրականության մեջ կամ չի երևում կամ փորձում են դա շրջանցել: Վրաստանը իր ապագան պատկերացնում է Եվրաատլանտյան համակարգում, իսկ կոնկրետ ՆԱՏՈ-ի հետ համագործակցության քաջալերողներից մեկը Թուրքիան է»։
Ջոնի Մելիքյան
«Հայաստանն ու Վրաստանը միմյանց դիտարկում են ռազմավարակն գործընկերներ, որը սակայն պետք է ամրապնդվի իրավապայմանագրային բազայի թարմացմամբ: Հայաստանն ու Վրաստանն այսօր ունեն իրանց ուրույն ճանապարհն ու օրակարգը Եվրամիության հետ հարաբերություններում: Սակայն որքան սուվերեն և անկախ լինեն Վրաստանի իշխանությունները, այնքան այն կբխի Հայաստանի ազգային շահերից,»։
Արեգ Քոչինյան
«Հստակ քաղաքական որոշումներ են պետք, թե ինչպիսին է Երևանը ուզում տեսնել Երևան-Թբիլիսի հարաբերությունները և դրանց ապագան: Երկրորդը՝ կան «տնային աշխատանք»ի կոնկրետ էլեմենտներ, որոնք Հայաստանը պետք է կատարի նոր մակարդակի վրա բարձրացնելու հայ-վրացական հարաբերությունները: Հայ-վրացական հարաբերությունները իրենց հսկայական բեռով հանդերձ նաև դաշտ են, որտեղ կա կատարելու ահռելի աշխատանք»։
