Նոր ստատուս քվոն Մոսկվան պահելու է․ այն իդեալական ճնշման գործիք է

«Ադրբեջանը, իրեն համարելով հաղթած կողմ, բնական է, որ փորձելու է առավելագույնս պահանջներ դնել, և հնարավորության դեպքում հասնել նաև ղարաբաղյան հիմնահարցի քաղաքական լուծմանը: Սրան բնականաբար համաձայն չէ Ռուսաստանը՝ ոչ թե բարի ցանկություններ ունենալով տեղի հայ բնակչության կամ Հայաստանի Հանրապետության նկատմամբ կամ Արցախի ապագայով մտահոգված, այլ այն պատճառով, որ Ռուսաստանը, ըստ էության, ձեռք է բերել մի բացառիկ ճնշման գործիք՝ միևնույն ժամանակ և՛ Հայաստանի, և՛ Ադրբեջանի վրա, և այս նոր ստատուս քվոն Ռուսաստանը պահելու է ամեն գնով:

Ռուսաստանի համար սա ամենալավ տարբերակն է՝ ռուսական խաղաղապահները գտնվում են Ադրբեջանի տարածքում՝ ինչպես ադրբեջանցիներն են համարում, և Արցախի տարածքում՝ ինչպես մենք ենք համարում»: