Անվտանգային հարցերին նվիրված «Դիլեմա» փոդքասթի հաջորդ թողարկման թեման Հայաստան-Իրան հարաբերություններն են, քաղաքակրթական նմանություններն ու տարբերությունները, զգուշավորության քաղաքականությունը և ակնկալիքների կառավարումը, գազի ներկրման հնարավորությունները և Ռուսաստանի հետ հարաբերությունները, ինչպես նաև միջանցքի վերաբերյալ կոշտ հայտարարությունները:
Հաղորդման հյուրերն են Քաղաքակրթական և մշակութային հետազոտությունների կենտրոնի հետազոտող, իրանագետ Աննա Դավթյան-Գևորգյանը և միջազգայնագետ Ալեն Շադունցը: Զրույցը վարում է «Անվտանգային քաղաքականության հետազոտական կենտրոնի» ղեկավար Արեգ Քոչինյանը:
Աննա Դավթյան-Գևորգյան
«Այսօր Իրանի անվտանգության շահերից չի բխում, որ Ադրբեջանն ու Թուրքիան, գուցե նաև Ռուսաստանը հասնեն իրենց նպատակին և ունենան արտատարածքային միջանցքի հնարավորություն Հայաստանի տարածքով»։
Ալեն Շադունց
«Իրանի համար ավելի նախընտրելի է ունենալ Ռուսաստանի դոմինանտությունը Հայաստանում, քան՝ Արևմուտքի, ԱՄՆ-ի, Եվամիության, կամ Թուրքիայի»։
Արեգ Քոչինյան
«Ակնհայտ է, որ մարտահրավերների մեծ մասը, որոնք կան հայ-իրանական հարաբերություններում՝ իրենց բնույթով քաղաքական են, պահանջում են քաղաքական պլանավորում, ռազմավարություն և քաղաքական որոշումներ»։
