Անվտանգային հարցերին նվիրված «Դիլեմա» փոդքասթի հաջորդ թողարկման մեջ այս հարցերը վերլուծում են «Քաղաքակրթական և մշակութային հետազոտությունների կենտրոնի» հետազոտող Հայկ Քոչարյանը, «Անվտանգային քաղաքականության հետազոտական կենտրոնի» փորձագետ Ռոբերտ Ղևոնդյանը և «Անվտանգային քաղաքականության հետազոտական կենտրոնի» ղեկավար Արեգ Քոչինյանը:
- Ի՞նչ ենք հասկանում «տարածաշրջան» ասելով:
- Ե՞րբ սկսվեց տարածաշրջանի փակման գործընթացը:
- Ո՞րն էր թրամփյան մեկուսացման քաղաքականությունը:
- Ի՞նչ փոփոխություններ բերեց Բայդենի հաղթանակը ընտրություններում:
- Ինչո՞ւ չաշխատեցին «3+3» կամ «3+2» ձևաչափերը:
- Այս ամենի հետ ի՞նչ կապ ունի Չինաստանը:
- Ենթակառուցվաքների առումով ի՞նչ կարող է անել Հայաստանը:
Ռոբերտ Ղևոնդյան
«Ռուսաստանի ներկայիս իշխանության հիմնական խնդիրը, մոտեցումն այն է, որ իրենք հակադրվում են գլոբալ Արևմուտքին և ունեն այդ ռեսուրսը՝ հավաքագրելու բոլոր այն պետություններին և ուժերին, որոնք հակադրվում են նշված օրակարգին, և դա կարող է լինել ոչ թե ավտորիտարիզմի և ժողովրդավարության հակադրություն, այլ՝ կենսակերպի տեսակի զարգացման, և ապագայի հակադրություն»։
Հայկ Քոչարյան
«Ի՞նչ ենք հասկանում տարածաշրջան ասելով. Տարածաշրջանը երեք ծովերի համակարգն է, այսինքն տարածաշրջանն այսօր դիտարկում ենք Միջերկրական, Սև, Կասպից ծովերի ավազանով և այս տիրույթում տեղի ունեցող գործընթացներով»։
Արեգ Քոչինյան
«44-օրա պատերազմը և դրա հետևանքով ստեղծված աշխարհաքաղաքական իրավիճակը վերլուծում եմ հետևյալ կերպ՝ Ռուսաստանը և Թուրքիան, ընդորում՝ ավելի շատ Ռուսաստանը, փորձ են անում տարածաշրջանում արևմտյան քաղաքական, տնտեսական և աշխարհաքաղաքական ազդեցությունը հասցնել նվազագույնի»։
