Անվտանգային հարցերին նվիրված «Դիլեմա» փոդքասթի տասներկուերորդ թողարկման թեման հակահետախուզությունն է, հատուկ ծառայությունների ձևավորումն ու աշխատանքը, այն հարցը, թե արդյոք դրանց հիմնական գործառույթը պատժիչ է, թե կանխարգելիչ, հակահետախուզության դերը «մշտական» բարեկամ և թշնամի պետություննների հարաբերություններում, ինչպես նաև պրոպագանդայի և տեղեկատվական տեխնոլոգիաների կարգավորման հարցում:
Հաղորդման հյուրերն են «Անվտանգային քաղաքականության հետազոտական կենտրոնի» փորձագետ Ռոբերտ Ղևոնդյանը և քաղաքագետ Սարո Սարոյանը: Զրույցը վարում է «Անվտանգային քաղաքականության հետազոտական կենտրոնի» ղեկավար Արեգ Քոչինյանը:
Սարո Սարոյան
«Պետության կառուցումը, պետականաշինությւոնն առաջին հերթին սկսվում է հատուկ ծառայությունների ձևավորումից»…
…«Հատուկ ծառայությունները հանդես են գալիս որպես այն պաշտպանիչ շերտերը, որոնք ցանկացած երկրի ապահովում են դիմադրողականությամբ և պետության համար երաշխիք են դառնում, որպեսզի կայանա, զարգանա, հարաբերվի և այլն»։
Ռոբերտ Ղևոնդյան
«Հակահետախուզության առումով Հայաստանում ձևավորված վիճակը կարծում եմ այնպիսին է, որ մենք շատ լուրջ խնդիրներ ունենք հարևանների, և առաջին հերթին հենց Ադրբեջանի հետ»։
Արեգ Քոչինյան
«Հակահետախուզության թիվ մեկ նպատակը պետք է լինի ոչ թե պատժելը, այլ՝ կանխարգելելը»…
…«Հակահետախուզությունը պետք է լինի հիպերռեալիզմի դաշտում։ Պետք է բոլոր դերակատարներին ընկալի որպես սպառնալիք, անկախ նրանից՝ Հայաստանը դրանց հետմդաշնակցային, չեզոք, թե թշնամական հարաբերությունների մեջ է»։
