Ձեռքբերում կլինի՝ ՀՀ-ն և Ադրբեջանը պայմանագիր կնքեն Սպիտակ տանը. ԱՄՆ նախագահը երաշխավորի` չի խախտվի

«Պետք է հասկանալ, որ այս փոթորիկի մեջ անհրաժեշտ է ամեն ինչ անել՝ չխորտակվելու համար։ Պետք է քաղաքական որոշումներ կայացնել և այդ որոշումների պատասխանատվությունը կրել։ Բայց մինչև դա՝ կա տնային աշխատանք, որն անհրաժեշտ է անել»…

«Հիմա մեր խնդիրը պետք է լինի երկու ուղղությամբ. Հնարավորինս բարձրացնել Հայաստանի դիմադրողականությունը՝ զսպելու համար Ադրբեջանի «ամեն ինչ ուզելը»։ Երկրորդը՝ որոշակի տնտեսական, ենթակառուցվածքային նախագծեր մշակել և հանրայնացնել, որոնք մեզ հետ համագործակցությունն Ադրբեջանի համար ավելի հետաքրքիր կդարձնեն։ Այսինքն Ադրբեջանի հետ երկարաժամկետ, հարատև խաղաղությունը ես պատկերացնում եմ այս երկու ուղղություններով աշխատանքի արդյունքում»։