Civic News-ին տված հարցազրույցում Արեգ Քոչինյանը Հայաստանի` ՀԱՊԿ-ից դուրս գալու հարցին նշեց, որ «այդ պարագայում մեր հնարավոր խնդիրները ավելի փոքր են, քան ՀԱՊԿ-ում մնալու պարագայում»: Եվ ընդգծեց, որ ներկայումս Հայաստանը ինքնատիպ ռազմավարություն է մշակել ՀԱՊԿ-ի հետ հարաբերություններում՝ ստեղծելով այնքան շատ խնդիր ՀԱՊԿ-ի ներսում, որ այն ստիպված դուրս կթողնի Հայստանը իր իսկ կազմից: Քաղաքագետի պնդմամբ՝ Հայաստանը պետք է օգտվի ստեղծված իրավիճակից և դուրս գա ՀԱՊԿ-ից, քանի դեռ ունի դրա հնարավորությունը և՛ տեսական, և՛ գործնական մակարդակումներում: Եվ չնայած նրան, որ Հայաստանն ունի երաշխիքների կարիք` միջազգային հանրությունից լսում է զգուշավորության կոչեր։ Սրան ի պատասխան ՀՀ-ն պետք է դուրս գա ՀԱՊԿ-ից և փաստի առաջ կանգնեցնի իր արևմտյան գործընկերներին, որի պարագայում պատասխանատվությունից խուսափելը ավելի բարձր քաղաքական գին է ունենում վերջիններիս համար։
Իր խոսքում ԱՔՀԿ նախագահը անդրադարձ է կատարում նաև ՀՀ էներգետիկ դիվերսիֆիկացիային, որի ապահովման համար կան մի շարք նախագծեր, որոնք կյանքի չեն կոչվում: Որպես «տնային աշխատանք», քաղաքագետը ուշադրություն է հրավիրում ավելի քան տասը տարի չիմպլեմենտացված «Հայ-վրացական չորրորդ բարձրավոլտ էլեկտրագագիծ» նախագծին, որը թույլ կտա Հայաստանին անմիջական կապ ստեղծել Վրաստանի, ապագայում տեսկանորեն նաև ԵՄ էներգահամակարգի հետ՝ էլեկտրաէներգիայի մատակարարման համատեքստում: Ինչ վերաբերվում է Ռուսաստանից բնական գազի կախվածության թուլացմանը առաջարկվում է նախաձեռնել «Գույք-պարտքի դիմաց» նոր ծրագիր, որը կկոնպենսացնի Հայաստանին որոշ էներգետիկ ենթակառուցվածքներով՝ գնված, բայց ձեռք չբերված զենքի դիմաց: