Հանրային հեռուստաընկերությանը տված հարցազրույցում Արեգ Քոչինյանը խոսել է խաղաղության պայմանագրի կնքման առավելությունների և նոյեմբերի 9-ի հայտարարության մենաշնորհից կախվածության վերացման մասին:
Ըստ Արեգ Քոչինյանի՝ կնքվելիք պայմանագիրը մեկ քայլ առաջ կտանի հայ-ադրբեջանական բանակցությունների ներկա փուլը, որի ստորագրմանը կողմ են ոչ միայն Արևմուտքի երկրները, այլ նաև Թուրքիան:
«Միևնույն ժամանակ կա ուժային կենտրոն՝ Ռուսաստանը, որն ամեն ինչ անում է այս գործընթացները ձգձգելու համար, ինչն էլ բխում է վերջինիս՝ Ադրբեջանի հետ ունեցած պայմանավորվածություններից՝ ի պատասխան այն ծառայությունների, որոնք ՌԴ-ն մատուցել է Լեռնային Ղարաբաղում»,- նշել է ԱՔՀԿ նախագահը։
Միաժամանակ քաղաքագետն արդյունավետ է համարել Ադրբեջանի հետ երկկողմ բանակցությունները, չնայած վերջինիս մտացածին մի շարք պատրվակների:
