Անվտանգային քաղաքականության հետազոտական կենտրոն
2022 թվականի հունվարին հիմնադրվել է «Անվտանգային քաղաքականութան հետազոտական կենտրոն» հասարակական կազմակերպությունը։ Կենտրոնի հիմնադիրը և նախագահը պատմաբան, քաղաքագետ Արեգ Քոչինյանն է։ «Անվտանգային քաղաքականության հետազոտական կենտրոն» հասարակական կազմակերպությունը վերլուծական կենտրոն է, որն իրականացնում է հետազոտություններ, վերլուծություններ և խորհրդատվություններ քաղաքականության, անվտանգության և հասարակական կյանքի այլ բնագավառների վերաբերյալ:
ԱՔՀԿ-ն կազմակերպում է նաև տարաբնույթ միջոցառումներ, այդ թվում՝ հարցազրույցներ, մամլո ասուլիսներ, դասընթացներ, դասախոսություններ, փորձագիտական հանդիպումներ, իրականացնում է կրթական, հրապարակախոսական, վերլուծական, հետազոտական նախագծեր, հրապարակում,
հրատարակում և տարածում է գիտական, վերլուծական, լրատվական, տեղեկատվական բնույթի նյութեր:
- Կազմակերպության տեսլականն է հասարակության ֆունկցիոնալ-ռացիոնալ մտածողության ձևավորումը։
- Կազմակերպության առաքելությունն է հայկական անցումային պատմակարգի հաջողման համար անհրաժեշտ մտավորական-լուսավորական հոսանքի ձևավորումը։
- Կազմակերպության նպատակն է ռազմավարական և մարտավարական հարացույցներում ապահովել Հայաստանի, տարածաշրջանի և աշխարհաքաղաքական գործընթացների շուրջ ծավալվող ռազմաքաղաքական հարցերի քննությունը, վերլուծությունը, սպառնալիքների գնահատումը, հակագործողությունների մշակումը, դրանց վերջնարդյունքների կանխատեսումը և այդ ամենի հանրայնացումը։
Կազմակերպության կարգախոսն է՝ ժողովրդավարություն, կայուն զարգացում, անվտանգություն:
