- Ինչպե՞ս են արաբական ավիաընկերությունները վերջին տարիներին կարողացել եվրոպացիներից «զավթել» շուկան։
- Հայաստանում երկաթուղային ցանցի գործարկման համար ի՞նչ նշանակություն ունի Նախիջևանը։
- Հայաստանը ենթակառուցվածքային առումով ի՞նչ հետաքրքրություններ է ներկայացնում աշխարհին։
- Հայաստանում տարբեր ենթակառուցվածքների զարգացումը ինչպե՞ս կազդի մեր երկրի տնտեսության վրա։
- Ի՞նչ ներուժ ունի Զվարթնոց օդանավակայանը, որքա՞ն կարող է մեծանալ ու տարեկան որքա՞ն մարդ կարող է սպասարկել։
- Աշխարհի տարբեր բևեռների ենթակառուցվածքների միջև մրցակցության ինչպիսի՞ շերտեր կան։
- Որո՞նք են Հյուսիս-հարավ միջանցքի հիմնական երթուղիները։
- Ի՞նչ դեր կարող է ունենալ Հայաստան-Վրաստան 4-րդ էներգագծի կառուցապատումն ու կահավորումը Եվրոպայի առաջարկած «Սև ծովի գլոբալ դարպասներ» ծրագրին ներգրավվելու հեռանկարում։
Անվտանգային հարցերին նվիրված «Դիլեմա» հաղորդաշարի հերթական թողարկմանը այս հարցերը վերլուծում են քաղաքական գիտությունների թեկնածու Գուրգեն Սիմոնյանը, պատմական գիտությունների թեկնածու, տարածաշրջանային հարցերով փորձագետ Արմեն Պետրոսյանը և «Անվտանգային քաղաքականության հետազոտական կենտրոնի» ղեկավար Արեգ Քոչինյանը:
Գուրգեն Սիմոնյան
«Ցավոք սրտի մենք չունենք այնքան կուռ ներքաղաքական իրավիճակ, պետական կառավարմամակարգ և հայեցակարգային իշխանություն, որ ռազմավարությունների համատեքստում կկարողանա արդյունավետ գործառվել։ ՀՀ-ն պետք է կարողանա ինչ-որ չափով պահանջներ ներկայացնել ենթակառուցվածքային առումով»։
Արմեն Պետրոսյան
«Տասնամյակներ շարունակ ամբողջ մրցակցության համատեքստում մենք փաստացի դուրս ենք մնացել նաև մեր ռազմավարական մտքի պակասի պատճառով.. Կարևորագույն այլընտրանքների գնահատման ունակություն չունենալու պատճառով, և սա լրջագույն խնդիր է, որին այսօր բախվում ենք….
Պետք է ամեն բան անենք, որպեսզի միջազգային նախագծերին մաս դառնալու հերթական հնարավրությունը բաց չթողնենք »։
Արեգ Քոչինյան
«Մենք պետք է հասկանանք, թե մեր ամենամեծ հետաքրքրությունները, ամենամեծ կարիքները որոնք են, հակառակ կողմի ամենամեծ առաջնահերթությունները որոնք են, և փորձել դրանք միմյանց հետ աշխատացնել՝ իհարկե բացառելով արտատարածաշրջայնության սկզբունը»։
