Պայքարը ԼՂ-ի համար շարունակվում է․ Մոսկվային ձեռնտու չէ Երևանի հարաբերությունների կարգավորումը Բաքվի և Անկարայի հետ

ԱՔՀԿ ասոցացված փորձագետ Սամվել Մելիքսեթյանը «Նոյան Տապան» լրատվականին տված հարցազրույցում վերլուծել է հայ-ադրբեջանական հարաբերությունների կարգավորման գործընթացը՝ անդրադառնալով նաև միջազգային կարևորության առանցքային հարցերի:

Մելիքսեթյանի պնդմամբ, եթե ԱՄՆ-ի նոր վարչակազմը բավարար հետաքրքրություն դրսևորի, ապա բոլոր ակտուալ հակամարտություններից հայ-ադրբեջանականն ունի կարգավորման ամենամեծ շանսերը, քանի որ այն արդեն անցել է հակամարտության ամենաթեժ փուլը, իսկ կողմերի ռեսուրսներն ու քաղաքական կշիռը անհամեմատելի են ԱՄՆ-ի հետ։